Íslenskar vefsíður
Til eru nokkrar vefsíður þar sem hægt er að nálgast efni sem hægt er að vinna með börnum, bæði sem foreldrar, forráðamenn, kennarar eða aðrir sem koma að námi og lestrarnámi barna.
Kennarinn
Fræðsla/verkefni
„Kennarinn“ er ókeypis vefur með fjölbreytileg verkefni fyrir börn. Til dæmis má finna þar lesskilningsverkefni fyrir mánaðarlegu Disney-bækurnar. Á þessum vef eru verkefni sem tengjast ýmsum námsgreinum, meðal annars íslensku, þar sem finna má verkefni sem henta börnum sem eru að byrja að læra að lesa.
- Ókeypis
- Meira sniðið að börnum sem eru byrjuð að læra að lesa.
123 skóli
Fræðsla/Verkefni
Vefsíðan er námsgagnaveita fyrir alla sem hafa áhuga á og verkefni fyrir allan aldur og út frá mörgum fögum.
- Þarf að kaupa áskrift
- Hægt að finna verkefni sem vinna með allar hliðar lestrarnáms, hvort sem er fyrir börn eða nemendur með íslensku sem annað tungumál
- Efni fyrir allan aldur
Skemmtileg verkefni
Vefverslun/verkefni
Skemmtileg verkefni er fjölskyldufyrirtæki sem selur föndur, skynjunarvörur, efni í skólastofuna og fleira. Einnig selur fyrirtækið ýmis verkefni sem hægt er að vinna með börnum, meðal annars lesskilningsverkefni, stafaverkefni og annað sem hægt er að nota í lestrarnámi.
- Kostað og ókeypis efni
- Efni fyrir allan aldur
Fjölbreytt kennsla
Verkefni/Fræðsla/vefverslun
Vefsíðan er fyrir foreldra, kennara og aðra sem vinna með börnum og inniheldur mikið af fjölbreyttu námsefni sem hentar öllum.
- Sumt efni er ókeypis, annað þarf að greiða fyrir.
- Efni fyrir allan aldur
Skólavefurinn
Verkefni/fræðsla
Einn stærsti námsvefur landsins og flestir skólar með aðgang eða hafa haft aðgang á einhverjum tímapunkti. Mikið er af fjölbreyttu námsefni sem hægt er að prenta beint út.
- Þarf að kaupa áskrift
- Efni fyrir allan aldur
100 orð
Verkefni
Á vefsíðunni er að finna marga flokka af orðum og vinnur með að eflingu sjónræns orðaforða. Þegar listi er valinn birtist eitt orð í einu sem hægt er að lesa. Þegar búið er að lesa öll orðin er hægt að sjá hversu langan tíma lesturinn tók.
- Orðaforði
- Grunnfærni í lestri nauðsynleg
Læsisvefurinn
Fræðsla/verkefni
Vefsíðan er fyrst og fremst ætluð þeim sem kenna lestur og vinnur með fimm þætti læsis: Forsendur læsis, lesfimi, orðaforða og lesskilning, ritun og lestrarmenningu.
- Ókeypis
- Efni fyrir allan aldur
- Kennaramiðað
Fræðslugátt
Fræðsla
Vefur frá Miðstöð menntunar og skólaþjónustu þar sem nálgast má námsefni og annað sem getur stutt við heimanám.
- Efni fyrir allan aldur
Miðstöð menntunar og skólaþjónustu
Fræðsla/bækur/námsefni
Miðstöð menntunar og skólaþjónustu er fyrst og fremst hugsuð fyrir kennara, þar sem finna má námsefni, fræðslu og margt annað sem notað er í kennslu í íslenskum grunnskólum í dag. Þó er um að gera að forráðamenn skoði þennan vef til að kynna sér hvaða námsefni börnin eru að læra. Einnig býður vefurinn upp á efni sem forráðamenn geta nýtt heima fyrir (sjá til dæmis hlutann um forrit á þessari vefsíðu).
- Ókeypis
- Efni fyrir allan aldur
- Kennaramiðað
Lesvefurinn
Fræðsla
Lesvefurinn er vefur með mikinn fróðleik umlestrarerfiðleika og læsi.
- Ókeypis
- Góðar upplýsingar fyrir foreldra
Út fyrir bókina
Verkefni
Út fyrir bókina býður upp á ýmis verkefni sem snúa að lesskilningi og stærðfræði.
- Sumt efni er ókeypis, annað þarf að greiða fyrir.
- Efni sem hentar frá leikskóla upp í miðstig grunnskóla
Miðja máls og læsis
Fræðsla/hugmyndir
Vefsíðan er sett upp af þekkingarteymi á vegum Reykjavíkurborgar sem vinnur til dæmis með málþroska, læsi og íslensku sem annað mál.
Erlendar vefsíður
Florida center for reading research
Fræðsla/verkefni/rannsóknir
Efnið er flokkað eftir aldri: yngri leikskólaaldur, síðasta ár leikskóla og fyrsti bekkur, annar og þriðji bekkur og síðan fjórði og fimmti bekkur. Verkefnin eru flokkuð vel niður eftir flokkum (stafaþekking, hljóðkerfisvitund, hljóðfræði, lestrarleikni, orðaforði og lesskilningur) og eru öll ókeypis. Verkefnin eru á ensku, en mörg er mjög auðvelt að laga að íslensku.
Það er alltaf að bætast við ný fræðsla og verkefni á síðuna (verkefnin eru undir FCRR student center activities).
Reading Rockets
Fræðsla/verkefni/rannsóknir
Vefsíðan er stór gagnabanki af fræðslu og hugmyndum sem viðkoma lestrarnámi, hvort sem er heima fyrir eða í kennslustofunni. Vefurinn býr einnig yfir miklu magni af fræðslu um lestur, ásamt efni til að styðja við heimalestur.