Lestrarbækur
Lestur bóka fyrir börn stuðlar að lestrarnámi. Listinn hér fyrir neðan tekur saman nokkrar bækur sem vinna sérstaklega með stafrófið og/eða hljóðin sem stafirnir mynda. Allar bækurnar er hægt að nálgast á bókasöfnum eða í bókabúðum.
Stafrófskver
Sigrún Eldjárn – 1993
Hver stafur fær sína eigin vísu með ýmsum orðum sem byrja á viðkomandi staf.
Gralli gormur og stafaseiðurinn mikli
Bergljót Arnalds – 2001
Saga þar sem stafrófinu er fléttað inn í.
Stafir og tákn
Unnur Sæmundsdóttir – 2012
Hver og einn stafur með sína eigin blaðsíðu þar sem sagt er hvort að stafurinn sé sérhljóði eða samhljóði, hvernig hann er sagður á táknmáli og hvernig hann er borinn fram. Einnig er eitt orð skoðað fyrir hvern staf og hversu mörg atkvæði eru í því.
Stafrófskver
Ævar þór benediktsson – 2019
Saga þar sem stafrófinu er fléttað inn í.
Stafróf fuglanna
Árni áRNAson Hafstað – 2022
Farið yfir bókstafina í stafrófsröð. Við hvern staf er fugl eða orð sem tengjast fuglalífinu ásamt fróðleik og flottum myndum.
Stafrófið
Heiða Björk – 2015
Íslenska stafrófið frá A–Ö fyrir þau yngstu með myndum úr íslenskum veruleika.
Stafakarlarnir
Bergljót Arnalds – 1996/2016
Saga þar sem stafrófinu er fléttað inn í.
Stafavísur – Lestrarnám í ljóði og söng
Ragnar Ingi AÐalsteinsson og Steinunn Torfadóttir (ritstjórar) – 2021
Fyrir hvern staf er vísa með lagi eftir mismunandi höfunda sem haft var samband við til þess að setja saman þetta safn.
Stafurinn minn og stafurinn þinn
Ragnheiður Gestsdóttir – 2000
Hver og einn stafur með eina blaðsíðu með eigin mynd sem byrjar á stafnum og ein einföld setning fyrir neðan.
Litla stafabókin
Valgerður Bachmann – 2021
Bókin sýnir hvern staf og mynd sem tengist honum og hentar vel yngstu börnunum.
Stafaleikurinn
Huginn Þór – 2018
Bókin vinnur með skilning barna á stafsetningu og þjálfar þau í lestri þar sem stafir mynda orð og orðin mynda setningar.
Lubbi finnur málbein
Eyrún Ísfold Gísladóttir og
Þóra Másdóttir – 2009
Bókin vinnur með málhljóð íslenskunnar og hvert og eitt hefur sögu, vísu með lagi, myndum og táknrænum hreyfinum. Efnið er mikið notað í íslenskum leikskólum.
Vinnubækur
Margar bókabúðir og vefverslanir bjóða upp á mikið úrval af verkefnabókum sem vinna með stafina, stafrófið, lesskilning, orðaforða og annað sem tengist lestrarnámi. Listinn er ekki tæmandi og sífellt bætast við bækur í þessum flokkum. Engar tvær bækur eru eins þó margar vinni með sama efni eða svipaða uppsetningu, því má alltaf finna eitthvað sem hentar hverju barni.
Tússbækur
Litlir lærdómshestar
Ein af nokkrum bókum frá litlum lærdómshestum. Þessar bækur eru hannaðar til þess að nota mörgum sinnum þar sem hægt er að nota tússlit við gerð verkefnanna og síðan er hægt að stroka hann út og vinna verkefnin aftur.
Geitungurinn
Árni Árnasson og Halldór Baldursson
Bækurnar um geitunginn eru nokkrar og vinna með ýmis verkefni sem hentar þeim sem eru að stíga sín fyrstu skref í lestrarnáminu.
Límmiðabækur
Joe Brumm
Til eru alls konar límmiðabækur sem geta gert verkefnin skemmtileg og fengið börnin til þess að taka meiri þátt.
Hvar má finna vinnubækur?
Hér má finna nokkar vefverslanir með alls konar vinnubókum sem hægt er að nýta.